السلام عليكم ورحمة الله وبركاته
نبدأ بالعشق سيفورا :
بيس مضيء للبشرة من سيفورا :
يعطي اضاءة للبشرة وglow فيه لمعة خفيفة مو أوفر أبدا ممكن تستعمليه قبل الأساس أو تخلطينه مع كريم الأساس أو تحطينه بعد ماتخلصين مكياجك على أماكن معينة مثلا أعلى الخدود أو على زاوية العين الداخلية بـ75 أو 79 .
اشتريت روج من سيفورا : لحمي على وردي طبيعي رقمه 06 سعره بـ75 .
مررره ثابته ثابتها يوصل ل8 ساعات ويمكن أكثر طبعا هي مطفية أول ماتحطيها تحسينها كريمية وبعد ثواني تنشف وماتطبع على كل مكان مرره جميلة .
فرشة من سيفورا :
أشتريتها للبلاشر وماحبيتها تحسين الشعر بلاستيك مو حلو وينزل وشكلها رخيص مع ان سعرها 107 مع أنه فرش سيفورا حلوة وسبق وجربت وحدة من عندهم بس هذي لا .
من فافافوم :
كريم أساس فور ايفر hd
سبق وأخذت عينة منه من سيفورا ومرره حبيته وأخيرا لقيت اللون الي يطابق بشرتي والحمد لله ب200 ريال .
محدد من فورايفر :
المحددات ما أحب أشتريها من الهاي اند أشتريها من nyx أو ريميل لكن هذا اللون جذبني رقمه 2C وانه مقاوم للماء قلت أجربه وأشوف إذا فيه فرق بـ90 .
من إنجلوت Englot :
مناكير ميزتها أنها تسمح للظفر انه يتنفس ماتكتمه ويقال أنها ماتمنع وصول الماء طبعا كلام فاضي شفت تجارب على اليوتيوب تبين انها تمنع وصول الماء ومستحيل أغامر في صلاتي عشان مناكير بس أنا حبيت فكرتها أنها صحية للأظافر ماجربتها للآن الواحد بـ65 .
أتمنى تكونوا استمتعتوا بالبوست اذا عندكم اي سؤال تواصلوا معي هنا أو على حسابي في الانستاغرام : girlstalkblog@
ليست هناك تعليقات:
إرسال تعليق