السلام عليكم ورحمة الله وبركاته
ريفيو اليوم بيكون عن BB كريم غارنييه للوجه وللمحيط العينين نقول بسم الله :
1) غارنييه بي بي كريم للبشرة : مناسب للبشرات الدهنية للمختلطة مثل مو كاتبين .
طريقتي في استعماله : أنقط أربع نقط في وجهي وأوزعه كويس بفرشة ريل تكنيك stippling brush . رأيي في المنتج : خفيف على البشرة وتغطيته خفيفة ماتقشر على بشرتي ولا يتكتل ولا زيت بشرتي بس أحتاج أحط بودرة لأن عندي T zone تدهن يعطي لوك مطفي للبشرة متوفر منه درجتين فاتح ووسط وأحسه يندمج مع لون البشرة يعني اذا كنتي فاتحة خذي الفاتح مو لازم يطابق لون بشرتك بالضبط لأنه مثل ما قلت يندمج مع لون البشرة ، الي ماحبيته هو التغليف لأن قوامه سائل ويحوس
السعر : أقل من 40 ريال من بنده وموجود في السوبر ماركت والصيدليات .
2) غارنييه بي بي كريم لمحيط العيون :
طريقتي في استعماله : فيه زي الرول بس تمررينها تحت العين وأوزعه بأصابعي .
رأيي في المنتج :
خفيف جداً تغطيته خفيفة ما يخفي الهالات لكن يعطي اضاءة بسيطة للمنطقة منها خفيف ما يتكتل ولا يخطط تحت العين ومايسوي شيء واو ، فيه منه درجتين فاتح ووسط أنصحكم بالوسط لأن الهالات غامقة فإذا حطيتي شيء فاتح ممكن تقلب رمادي ، حبيت التغليف جدا .
السعر : 30 تقريباً من بنده وموجود في السوبر ماركت والصيدليات .
ان شاء الله استفدتوا من الريفيو في امان الله
حسابي على الانستاغرام : girlstalkblog@
ليست هناك تعليقات:
إرسال تعليق